Nimin MJA Day vawi 45-na pual khan Lawngtlai District MJA chuan Lairam Motherless Home-ah tanpuina thilpek Rs. 2000 an hlan.

Day puala thilpek hlannaah hian Lawngtlai District MJA President Pu ZD Dengngura'n thilpek hlan chhan leh thu tawi a sawi a. Anmahni tawiawmtu Lawngtlai DIPRO Pu C. Lalhruaitluanga'n MJA ai awhin Home-a thawktute hnenah thilpek hi a hlan a ni. Lairam Social Mission hnuaia din Lairam Motherless Home hi nau hnuchham enkawlna leh chhawmdawlna in niin, Lawngtlai College Venga awm a ni a.

Tunah hian thawktu 18 (a hmun nghak 12 leh lehlanga kal 6) an awm mek a. Naupang enkawl lai hi hmeichhia 13 leh mipa 11, an vaiin 24 an ni. An naupang enkawl laiah hian a naupang ber thla 2 mi niin, a upa ber chu kum 13 mi a ni thung.

Attachment

  • Loading attachment...