MJA Gen. Hqrs. Executive Committee-in a hun leh ni atana a ruat ngeia General Conference Vawi 39-nakanhmang thei hi a lawmawm ngawt mai. He hun min hruai thlengtu Pathian hnenah lawmthu ka sawi a.Kanhriat theuh angin kumin hi MJA-in kum 40 a tlin kum a ni. Hun harsa leh khirh tak hnuaia mi tlemtein an din MJA chu tunah pawl anga hriat tham lo ni tain, pawl hlun leh changtlung taka chhiar a ni ta. He pawl dina sulsutu kan senior, eng emaw zat chatuan rama chawl ta te leh tun thlenga he pawl tana thahnemngai mi eng emaw zat min la dampuitute chungah lawmthu ka sawi a. Heng hruaitu hmasate thawhrim zara tun dinhmuna ding hi kan ni tih hre rengin member tute pawh MJA ngelnghehna leh hmasawnna atana inhlan thar turin ka sawm a che u.

March ni 23, 2010-a helai hmuna General Conference vawi 37-naah khan kum hnih chhunga MJA Gen. Hqrs. kaihruai turin kei leh ka thawhpui Office Bearers leh Executive member te min thlang a. Buai leh harsatna sawi tham awm lovin kan term chu kan hmang liam a ni ve ta reng mai. Tun hma lam atanga he pawlin kalphung a lo neih tawh angin, mimal ngaihdan leh duh dan ni lovin, thawkhokannih anga inrawn tlang zelin pawl kaihhruai hnakanthawk a.Kanrorel leh thiltih zawng zawng a tha ber leh duthusam a ni kher lo vang. Chuti chung chuan kawng hrang hranga hmasawnna hmuh tur leh sawi turkannei nual mai. Heng te hi Gen. Hqrs Executive Body-a thawhhona thakanneih piah lamah, District hrang hrang te nena inkungkaihna leh thawhhona thakanneih vang a ni. Member te karah thawhhona tha hi chhunzawm zel a nih chuan he pawl zahawmna hi humhimin a awm ang a, hmakansawn ang a,kanngelnghet deuh deuh dawn a ni tih hi i hre reng ang u.

Journalist te’nkanpawimawhnakanhriat rualakantheihnghilh thiang hauh lo chukanmawhphurhna hriat leh zawm hi a ni. Tunlaikankhawvel chawk buaitu langsar tak chu an pawimawhna hre viau a, an mawhphurhna lam hlamchhiah leh tlat si hi an ni. Keiniho hi duh zawng thuhmun leh vei zawng thuhmun pawla insiama ding ta maikanni lo.Kaneizawnna hmanga ram leh mipui rawngbawltu intelkhawmkanni. Dinhmun pawimawh taka dingkannih rualinkanmawhphurhna a sang hle mai. Rawngbawlna leh eizawnna inkawp a nih avangin eizawnna kawng dang anga mimal thahnemngaihna a kal thui chiamna chi a ni lo va. Pawl thianghlimna leh zahawmna vawn nun tlat hi member tin te mawhphurhna a ni tih hi theihnghilh hauh loh tur a ni.

Sakhaw intluktlanna ram (SecularState)kanni a, MJA chuan sakhaw voh bik leh thlauh thlak bik a nei thiang lo. Hnam behchhan pawl (Community base organisation)kanni lo va, chi leh chi, hnam leh hnam kara inen hranna leh inepna lam chi reng reng malmakin MJA chu a laiah a ding tlat thin. Hnam leh chi thliar hrang zawnga pawl thenkhat thiltih a awm pawhin member nawlpui inpunin emergent meeting kan huaihawt a, Mizoramah chi leh chi; hnam leh hnam kara inthliar hranna reng reng kan malmak thu kan puangzar a. Kan rilru leh kan duh dan te’n zah leh ngaih pawimawh a hlawh a, pawl thenkhat hetiang kawnga thui tak ke lo pen tawh te’n chawp leh chilha an thu an sut leh tak tum te pawh a awm a. An chungah MJA chuan lawmthu a sawi a ni. Hetiang hi thil nih phung a nih avangin hnam behchhan pawl hrang hrangte nen hian kawng tinrenga thawhho theih a ni lo va. Hetiang a nih avang hian heng pawlte hikanepinkandodal tihna erawh a ni lo,kantobul leh nihphung inang thei ngai lo kumkhua tur a awm tihna a ni zawk a ni. 

Nghet takakanvawn tlat turkandai pelh rual ruala he pawlin a chhiatpui theih a awm. Party politics lakah he pawl hi a fihlim tur a ni. Tan lam leh awn lamkannei thiang lo.Kanhnung hun rei vak loah khan political party thenkhat, thu mu hnu kaithoa thu huaisar tak tak hmanga an inbeih dankanhria. Kha inbeihna kha a kal thui hman tep chu a ni. MJA chuan ram leh mipui rawngbawltukannih inhre rengin, kha inbeihna kha tawpsanturinpolitical party tekanngen a. An thu leh hla pu darh loturinmember tekaninngen bawk a.Kanngenna chu chawp leh chilha tihhlawhtlin a ni. Political party te leh MJA member te’nkanngenna min zahsak avangin lawmthukansawi nghal bawk. Dik tak chuan khatiang thu te kha chanchin thar ziaka puang darhtute tan chuan thu benglut, mipui chhiar leh ngaihthlak hlawh tur a ni a. Kan eizawnna lam hawi ngawr ngawr ngaihtuahna atang chuan kan lo inrawlh a, ngenna kan lo siam ve sasawi te kha a tiha tih lek loh tur a ni. Mahse, ram leh mipui rawngbawltukannihna hriaakanmawhphurhna hre rengin khatiang thil khakanhan ti ta kha a ni a. He pawl hi party politics-ah lo inchiah buangbar hle ni ila, khatiang thu chhuah kha MJA hian a nei thei hauh lo vang.Kanthuchhuahin zawm a hlawh a, thu huaisar taka inbeihna thawm a reh rual rual khan pawl leh mimal thahnem tak atanginkanthiltih min pawmpui thu leh lawmthu sawina MJA Gen. Hqrs chuan a dawng tam khawp mai. Heng mi chi hrang hrang hnen atanga fuihna thu tha tak takkandawn te hiankanpawl kal zelnaah min ti chak ngei ang tihkanring tlat a ni.

MJA zahawmna tibawrhbang thei,kanhmel tihemtu ni fo chu ruih theih thil a ni. Thu thar puanzar kawnga hmakansawn zel rualin, ruih theih thil lakah pawh hiankanflhlim chho ve zel hi sawi hmaih phal hauh loh tur a ni. Tunah chuan ruih theih thil mai bakah Meizuk bansankanpung zel a, tun atanga hun rei vak lovahkanflhlim theih pawh a beiseiawm ta hial mai. Thawk leh khatahkanfihlim mai rih lo a nih pawhin tunakandinhmun atang hi chuankanhnungtawlh tur a ni lo vang. 

Kum hnih chhunga MJA hmalakna lehkanhlen chhuah thilte chu G/S report lamahkanhmu turah ka ngai a. Zawi zawiakanhmasawnna awm ang angte hi Sorkar thuneitu laminkanduhna te ngaithla a, min ngaihsak thin vang a ni berkanti lo thei lo va. A bik takin kan nodal Department  I&PR Minister Pu Zodintluanga leh a thawhpui I&PR Secy, Director leh a thawhpuite chungah lawmthu ka sawi a ni.

Kumin Conference hi MJA term thar intanna tur niin hruaitu tharkanthlang dawn a, inthlang ramkanni a, inthlanna thianghlim leh fel fai pawimawhziakanhre sawt hle. MP, MLA, V/C leh Local Council inthlanah te pawh Election Commission of India, State Election Commission bakah MPF te’n kaihhruaina chi hrang hrang siamin an kengkawh a. Kan inthlanna pawh a fel faiin a thianghlim hle tawh a ni. Zirlai Pawl leh YMA inthlan thleng maiin hmanraw thianghlim lo tak tak a awm thu hun eng emaw lai atang khan hriat a ni a. Heng pawl inthlanah te pawh hian tun hma ang ni tawh lo tura tan la a, inthlan boruak tha zawk an neih chhoh mek dankanhria. A lawmawm hle a ni. MJA, member 200 zet chauh inthlanna chungchangah chin dan tha lo leh hrisel lo, pawl zahawmna tibawrhbang zawnga vote zawn leh sum leh pai hmatheha tal vel hi thiltih ngai loh a ni. Mite’n changkan lam an pan a, inthlanna thianghlim zawk an neih mek laiin MJA hi eng dinhmunah nge kan din tih inen chiang fo ang u. Ram rawngbawlna kawnga mawhphurhna sang tak nei, mi puitling, chhia leh tha hriatna thiang hmang thei tura ngaih vek kan ni. Pawnlam atangin MJA zahawmna min siamsaktu tur tumah an awm lo, a chhunga awm member te ngei hi MJA zahawmna atana mawhphurtukanni tih hi i hre nawn leh ang u.

Ka lawm e.