No.4109/2021-2022
Aizawl 25th February, 2022 : Vawiin khan Mizoram Journalists' Association, Mamit District chuan District Cooperative Societies, Mamit District bultuma Pradhan Mantri Van Dhan Yojana (PMVDY) hnuaia hmalakna hrang hrangte a hmunah kalin an tlawh.

MJA te hian Darlak Piggery Cooperative Society Ltd. tlawhin an Secretary Pu Zohmingliana chuan an hmalakna hrang hrangte report a pe a. Member 23 awm mekin Vaimim leh Bekang chin nan tin 50 a zau ram vah anih thu a sawi. Hei bakah hian Darlak Van Dhan Vikas Kendra (VDVK) hnuaia Darlak Integrated Fish Farming Co-operative Society Ltd. te'n Kuhva Nuai 5 Scoop theihna tur Tanky an siam chu an tlawh nghal bawk.

Tuidam Consumer Cooperative Society Ltd. hmalakna tlawhin Kuhva Nuai 1 man an Scoop mek a, an Scoop atanga thla 3 hnuah Kuhva te hi hralh theih anih dawn thu a hmuna enpuitu Pu Rozidinga Society hruaitu chuan MJA te hi a hrilh. Hei bakah hian Zawlnuam Consumer Cooperative Society Ltd. hmunhma tlawh nghalin anni pawh hian Kuhva Scoop hi kalpuiin hma an la ve mek bawk a ni.

MJA, Mamit District te hi an President Pu C. Lalramdinzela'n hovin, member 5 an kal a. Pu Lalthangfala, District Cooperative Officer leh Pu Paul Rokima, DIPRO te'n Project Site Visit-ah hian an kalpui bawk a ni.