3688/2023-2024

Lawngtlai dated 6th February 2024: Vawiin chhun khan Lawngtlai MJA Press Club-ah MJA, Lawngtlai chuan General Conference neiin kum 2024-26 chhung a hruaitu thlan chhuahna hun an hmang a. Pu Hmingthanzuala, MIS, DIPRO chuan hruaitu thar thlanchhuahna hi hmanpuiin duhsakna a hlan nghal bawk a ni.

Pu Hmingthanzuala, District Information & Public Relations Officer chuan MJA member-te chu sawrkar langtlang siamna tur a mipui hnen a thu pawimawh hrang hrang hriattirtu an nih thu sawiin DIPRO Office nen pawh thawhhona tha tak an neih thin avangin lawmthu a sawi a. Thuthar rintlak lakkhawm leh thehdarh hna chu hna hahthlak tak a nih avangin khawtlang tan a rawngbawlna thinlung puchung a kalpui a tul thu sawiin Kum 2024-26 chhung a hruaitu thar thlan chhuahte duhsakna a hlan bawk a ni.

Kum 2024-26 chhung a MJA, Lawngtlai district hruaitu thar thlan chhuahte;

President :Pu Elvis Lalthangzuala
Vice President : Pu H.Lalrinmawia
Treasurer : Pu Lalngheta Ralte