Information & Public Relations Secretary Pu B. Lalthanliana hova Mizoram Journalists Welfare Society Governing Board vawiina thukhawm chuan Journalist 15 hnenah damloh avanga an inenkawlna tur sum tanpuina leh mitthi ralna sum engemaw zat pek a remti.

MJWS Governing Board hi an chairman Pu B. Lalthanliana Office chamber-ah an thukhawm a. Sawrkarin damlohna leh chhiat tawh thulha an inenkawlna tur sum a ruahman sak chungchang thlir hovin member te atanga dilna lut te an enfel a. MJWS Dan in a phal angin Journalist anmahni ngei damlote hnenah te, an chhungte inenkawlna tur tein sum pek tur a bithliah felsak a. Hei bakah hian member pakhat boral tawh ral nan Rs. 1,00,000 /- ( Cheng nuai khat ) pek turin thu a titlu bawk a ni. MJWS Dan hman mek chu a then siam thain tunah hian sawrkar pawmpui tura kaltir mek a ni. Mizoram Journalists Welfare Society Governing Board ah hian member pakua awmin vawiina thut khawmah hian Pu Chalrosanga, MLA, Pi Lalnithangi Joint Director, I & PR, Dr. Zothantluanga, Health Deptt., Pu Ramchuana, Joint Secretary Finance, Pi Lallianpuii, Executive Officer, I & PR, Pu Zonunsanga Khiangte, Vice President, MJA leh Pu R. Lalhmangaihzuala, Treasurer, MJA te an tel a ni.