2123/2023-2024

LUNGLEI; the 3rd October,2023: Vawiin chawhma khan Lunglei DC Conference Hall-ah Lunglei District chhunga Head of Office ten meeting neiin, kan hmalawka MLA Election atana Lunglei district inpuahchah( preparedness) dan thlir hona leh zirchianna neih a ni.

Meeting hi District Election Officer leh bawrhsap ni bawk Pi Ramdinliani chuan kaihruaiin, Power Point Presentation hmangin Pi TT.Beikhaizi,Election Officer chuan Preparedness of Lunglei District for the General Election to Member Of Legislative Assembly tih thupuia hmangin MLA inthlanna a tana Lunglei district inpuahchahna(Preparedness) entirna hun a hmang. He PPP atang hian thil tihtur hmachhawp leh hmalak belh ngaina te chu, heng a hnuaia agenda chhawpchhuah zulzui hian huangzau taka sawiho leh zirchian a ni.

1) District Election Plan & Action taken
2) Deployment of Officers and staff
3) Assured Minimum Facilities at Polling station
4) Electrification of Polling Station
5) Repair & Maintenance of Road Network
6) Vote from Home facility for Senior Citizens & PWDs
7) Postal Ballot Facility
8) Requisition of Gov't Premises, Vehicles etc.

Pi Ramdinliani chuan Sorkar hnathawk Election thila mawhphurhna nei te chuan Inthlan puan a nih hunah chuan Election Commission Of India hnuaia hnathawk kan ni tih kan hriat reng a ngai a.Kan duty theuh hi fimkhur tak leh tha thei ang ber hlenchhuah kan tum theuh dawn ni a.Fimkhur tak si hlauthawng si lovin kan duty hi nuam takin kan hlen thei a ni. Inthlahdah vang ni lova tihsual palh chu thil awm thei a ni, chutiang in tihsual palh vengtu tur che u kan awm reng a ni tih hria u la, nervous hauh lovin; hahdam  takin MLA Election hi i hmachhawn tlang ang u, tiin kalkhawm te  fuihna leh thlamuanna thuchah a sawi a ni.Pi Ramdinliani chuan Election duty pumpelh duh avanga Medical certificate lo lak tum te pawh in awm thei a, Medical officer pakhatin unfit certificate a ziah hi kan pawm dawn lo va,  Medical Board in unfit a ti chauh kan pawm dawn a ni, a ti bawk.