2124/2023-2024

Aizawl, 3rd October 2023: Vawiin khan Auditorium, Mizoram University Campus-ah Psychology Department, Mizoram University chuan Ruby Jubilee lawmna hun an buatsaih a.He hunah hian Governor Dr Hari Babu Kambhampati, Chief Rector, MZU ni bawk chu Khuallian a ni a. Prof Dibakar Chandra Deka, MZU Vice Chancellor chu khualzahawm a ni thung.

Governor Dr Hari Babu Kambhampati chuan tunlai khawvel hmasawn zelah mipui rilru sukthlek dan te a hrisel zawnga kaihruai kawngah leh rilru lama harsatna nei te enkawl kawngah Psychology pawimawh zia kan hre chho mek a ti a. Taksa hriselna a pawimawh tluk chiahin rilru lama hrisel a pawimawh tih a sawi. Governor chuan MZU Psychology Department in Clinical Psychology zirtir phalna thuneitu sang hnen atanga an hmu chu a lawmpui tih a sawi a. Clinical Psychology zirtirna kalpui a nih hnu hian Psychology Department chuan Khawtlang nun leh inkaihruaina kawngah chak zawkin tha an rawn thawh theih a beisei thu a sawi bawk.

Governor thusawi kimchang: dipr.mizoram.gov.in/post/speech-of-dr-hari-babu-kambhampati-honble-governor-of-mizoram-on-the-occasion-of-ruby-jubilee-celebration-of-department-of-psychlogy-mizoram-university-at-mizoram-university-auditorium-on-03-october-2023

Thusawitu dang, Prof Dibakar Chandra Deka, MZU Vice Chancellor chuan Department of Psychology chu psychology zirtirna huangah kum 40 hmel a hmu chu ropui a tiin a lawmpui thu a sawi a. Psychology zir pawimawhzia leh he khawvel danglam zel kara khawtlang nun lo danglamah zelah psychology thiamna mamawhna a nasa tual tual tih a sawi a. Science leh technology lama hmasawnna ringawt hi mihring tana thil tha a ni bik lo a, hmasawnna ringawt nei ila rilru hrisello leh mihring mihrinna kan hloh kan nih si chuan kan tana thil tha a ni thei lo a. Kan nun dan tur leh kan rilru a lo hriselna tura kawng min kawhhmuh thin turin mihring nihphung leh rilru zirna lam Psychology zirna in hma a sawn tel zel a ngai a ni a ti.

Inauguration programme hi Prof H.K.-special item neiin tan a ni a. Prof Laldinpuii Fente, Department of Psychology, MZU-ah a thawk a ni. Prof Zoengpari, Head & Chairperson, Ruby Jubilee Steering Committee hnen atangin in lawmthu sawina ngaithlak chhunzawm a ni leh a. Hemi hnu hian zirlaite ten special item neiin hun an hmang a. Ruby Jubilee Steering Committee-a Secretary Dr. C. Zothanmawia, Psychology Department,MZU hnen atangin report ngaihthlak chhunzawm a ni.

He hunah hian Prof Zokaitluangi, Senior Professor, Department of Psychology, MZU in Psychology Department, MZU lo in din dan leh an hmasawnna te a sawi a. Governor leh Vice Chancellor hnen atangin thuchah ngaihthlak a nih hnuah, Prof C. Lalfamkima Varte, Department of Psychology, MZU chuan lawmthu sawiin  huntawp a khar a ni.