239/2026-2027
Dated Khawzawl, the 22nd April, 2026 : Vawiin khan Tuichangral Games 2026 kharna hun Khawhai Playground Field-a neih chu South Tuipui bialtu MLA Pu JJ Lalpekhlua chuan khuallian niin a hmanpui a. He hun hi TGSA Gen. Secy Pu F. Saihmingliana’n a kaihruai.
Khuallian Pu Jeje Lalpekhlua chuan thu sawiin, Tuichangral games a awm theihna tura hma la tute thawhrimna zahawm a tih thu a sawi a. East Lungdar football ground-a grass phah a ni tur leh volleyball court siama a chung zar a ni tur hian Tuichangral khua sawrkarin a ngaihpawimawhzia a lantir, a ti a. Tuichangral games hlutna chu he games atang hian thalai talent nei tha engzat nge haichhuah an nih a, inkhelmi engzat nge chherchhuah an nih tih sawiin, thangtharte chu he games hi chhawr tangkai turin a fuih a. Tunlai khawvelah sports hi eizawnna atan a hman tlak tawh a, amaherawhchu mi zawng zawng tan eizawnna atan hman theih a ni lo tih a sawi a. Hlawhtlinna chang tur chuan talent neih that ringawt a tawk lova, a thawkrim leh a taima apiang an thleng sang thin, a ti a. Nu leh pa kalkhawmte pawh an fate infiamna lama talent an nei a nih chuan eizawnna tlaka an hman theih nan mithiamte leh coach-te kaihhruaina hnuaih theihtawp chhuahpui turin a chah a. Pu Jeje Lalpekhlua chuan sports hi damdawi mumlian a ni a, eizawnna atana hmang lote tan pawhin hriselna atan mai bakah midangte nen inpawhna tha siamtu a nih thu a sawi a, mitinte infiamna engemaw tal ti ve turin a chah bawk a. Zirna lamah emaw infiamna lamah pawh beidawn chang a awm thin a, chutiang hunah chuan beidawng mai lova thawkrim zual sauh zawk turin thalaite a chah a. Tournament chhungin red card hmu an awm lo chu lawmawm a tih thu sawiin he games hi thalaite tan infiamna lama kailawn pawimawh tak a nih ngei a beisei thu a sawi.
TGSA Sr. Vice President Pu Lalrengpuia Colney, Match Commissioner ni bawk hnen atangin technical report ngaihthlak a ni a. Tuicahngral Games and Sports huamchhungah hian khua 33 a awm mek a. Tuichangral Games 2026-a team awm zat a hnuaia tarlan ang hi a ni -
Football : Mipa team -15 leh hmeichhia team – 4
Volleyball : Mipa team - 11 leh hmeichhia team - 8
Heng bakah hian U-16 tan Weight lifting, Boxing leh Wrestling-ahte inelna buatsaih a ni bawk.
Group stage-ah Red Card phawrh a ni lova. Hetiang hi card hmuh dan a ni -
Yellow Card : Men – 31; Women - 3
Red Card : Men – 2 ; Women - Nil
FINAL RESULT
Volley ball
Women - Biate Vs Tualte ; Winner - Tualte
Men - Khawhai Vs Tualte ; Winner - Khawhai
Football
Women - N. Mualcheng Vs Sialhawk ; Winner - Sialhawk (1-0)
Men - Sialhawk Vs Tlangmawi ; Winner – Sialhawk (4 -2)
PRIZE
Volleyball
Men - Winner : Rs. 25,000/- + Trophy+Medal+Certificate
Runnersup : Rs. 15,000/- + Trophy+Medal+Certificate
Woman - Winner : Rs. 15,000/- + Trophy+Medal+Certificate
Runnersup : Rs. 10,000/- + Trophy+Medal+Certificate
Individual
Men & Women - Best Setter and Best Spiker (Medal+Certificate)
Football
Men - Winner : Rs. 40,000/- + Trophy+Medal+Certificate
Runnersup : Rs. 25,000/- + Trophy+Medal+Certificate
Women - Winner : Rs. 20,000/- + Trophy+Medal+Certificate
Runnersup : Rs. 15,000/- + Trophy+Medal+Certificate
Individual
Men & Women - Best player and Top scorer (Medal+Certificate)
Fair play : Rs. 2,000/-
Semi Finalist : Rs. 2,000/- (each)
