Vawiin chawhnudar 11 khan MLTP Act Study Group ten I & PR Conference Hall-ah meeting vawi hnihna an nei a, he meeting hi Pu H. Raltawna, Chairman, MLTP Act Study Group in a kaihruai a ni.
Commissioner of Excise & Narcotics Pu Lalbiakmawia Khiangte, Secretary, MLTP Act Study Group chuan meeting hmasa minute bawhzui dan report a pe a. Excise & Narcotics department in kum 5 kalta chhunga zu leh mihring an man zat leh hrem an nih dan kimchang takin a report a ni.
Medical Superintendent, Civil Hospital, Aizawl in Study Group a report a pek dan chuan kum 5 kalta chhung khan zu avanga thin na mi 561 an enkawl a. Department of Psychiatry, Kulikawn Hospital pawh in kum 10 (2000 - 2010) chhung hian zu avanga harsatna nei mi 1553 an enkawl a, 2009 - 2010 chhungin mi 306 an admit a ni tih Dr. C. Lalhrekiman a report bawk.
MLTP Study Group te hian meeting thu relte hi tha takin an bawhzui a. Study Group in zu khap burna dan lo zirchianga report pe tura a ngen angin Central YMA chuan zu khap burna dan hi a hlawhtling tawk rih lo tiin report a pe a. Study Group hian Mizorama MLTP Act dinhmun chu pawl hrang hrangte rawn kuala zirchian leh deuh ni se tiin an rel a ni.
Medical Superintendent, Civil Hospital, Aizawl in Study Group a report a pek dan chuan kum 5 kalta chhung khan zu avanga thin na mi 561 an enkawl a. Department of Psychiatry, Kulikawn Hospital pawh in kum 10 (2000 - 2010) chhung hian zu avanga harsatna nei mi 1553 an enkawl a, 2009 - 2010 chhungin mi 306 an admit a ni tih Dr. C. Lalhrekiman a report bawk.
MLTP Study Group te hian meeting thu relte hi tha takin an bawhzui a. Study Group in zu khap burna dan lo zirchianga report pe tura a ngen angin Central YMA chuan zu khap burna dan hi a hlawhtling tawk rih lo tiin report a pe a. Study Group hian Mizorama MLTP Act dinhmun chu pawl hrang hrangte rawn kuala zirchian leh deuh ni se tiin an rel a ni.
