1710/2024-2025

Dated:Mamit the 23rd of August, 2024: Vawiin khan Mamit Officers’ Club (MOC) hmalaknain Mamit Chhim Veng YMA Hall-ah MOC Rahbi (A Career Guidance and Counselling Initiative of Mamit Officers’ Club) program hman a ni.

He hunah hian Pu Jacob Lalawmpuia, Bawrhsap chu Khual lian niin ,MOC member thahnem tak an kal bawk. 

Bawrhsap chuan MOC in a tum zing a pawimawh tak chu midang te tana luan chhuah  leh tangkai a nih thu sawiin RAHBI program pawh hemi bultum a tan a ni a ti a. Zirlai lo kalte chu fuihna thu hrilh in hrehawm tuar huam a lehkha zir turin a chah a, hlawhtling tur chuan tuarchhel tak a zir a tul thu a sawi. Pu Jacob Lalawmpuia chuan Pathian in a min siamdan pawh hah taka thlan tui tla a hnathawk tur a nih avangin hrehawm tuar huam a zir leh hnathawh hi a tul a, hlawhtlinna kawng pawimawh tak a nih thu a sawi.

Vawiin program-ah hian school pasarih (7) atangin zirlai naupang 260 chu kalin inkawmhona hun (interactive session) hman a ni. 

RAHBI program hi Mamit Officers’ Club bultumin kum 2019 khan hman tan alo ni a, tun tum hi vawi 5 hmanna a ni.