National School Safety Programme under District Disaster Management Authority, Aizawl District chuan Zirtawpni 27th September, 2013 Dar 1:30pm khan Pi Irene Lalmuanzovi, District Project Coordinator kaihhruaina in Govt. Lengpui High School ah Earthquake Mock Drill leh Exercise zirtina hun hmangin Mock Drill hi tihpui a ni. Naupang 82 leh zirtirtute an chanvo theuh a zirtirna pek an ni a. Lengpui Health Centre atangin Nurse 2 in First Aid practical School First Aid Team te pe in Cardiopulmonary Respiratory (CPR) in pek dan a school pum in an zirtir bawk a ni. Pi Irene Lalmuanzovi, District Project Coordinator leh Pu Zothansanga Hmar, District Organiser te School Search & Rescue Team te leh Evacuation Team te on the spot training an pe a, heng team te hi activate nghal an ni bawk.

Aizawl District hnuaiah school 250 trained tawh te chu “Disaster Reduction Begins at School” tih thupui hmangin Megaphones leh Mock Drill Funds sem an ni a. Heng School te hian in Mock Drills & Exercise hi an school naupang leh zirtirtu te hnenah neihpui vek tura ngen an ni bawk.