Hmarchhak state hrang hrang Industry & Commerce Minister te  intawhkhawmna -North East Industry & Commerce Ministry Conclave chu Maniram Dewan Trade Centre, Guwahati-ah September ni 27 khan buatsaih a ni a, Mizoram atangin Pu S.Hiato, Industries Minister chu he conclave ah hian a tel a ni.

N.E. Minister Conclave ah hian NEIIPP leh Trade & Commerce / Bi-lateral & Multi lateral issue te sawi ho a ni a. Tuna North East Industrial Investment Promotion Policy hman mek kum 2017 a tawp tur hi bihchian a ni a, he policy hmang tangkai tur hian harsatna tam tak a awm avangin North East State tin ten an hmang tangkai thei lova. Hmarchhak mil policy duang chhuak tur leh kum 2017 atanga kum 10 dang extend tura hmalak lungrual tak a rem tih a ni a.

Look East Policy pawh uluk zawk a zirchian a tul thu sawiho a ni a, North East Minister ten harsatna an neih reng reng state mal anga Central-a thlen ai chuan North East Forum anga thlen a nih theih nan Forum chak tak neih chho reng tul an tih thu sawi a ni.

South East Asialam nena inkal pawhna (connectivity) ah Kaladan Project ngaihpawimawh hmasak a tul thu Pu S.Hiatoa’n a tarlang a. Department of Industrial Promotion & Policy atanga lo kal Joint Secretary pawhin Kaladan Project chu top priority ah dah a nih thu a sawi a ni.

North East Industry & Commerce Minister Forum chuan Memorandum, State tin Minister ten an sign nghal chu Central a thehluh tura buatsaih a ni a.

He conclave-ah Assam Chief Minister, Shri Tarun Gogoi chuan  thu  sawina hun a nei a, CII, FICCI, ICC, NEFIT etc. aiawh te pawh telin hmarchhaka Industries din tute tana hmasawnna tur sawiho a ni bawk.  September ni 28, 2013 zing dar 11:00-ah he Centre-a North East International Expo. buatsaih chu Pu S.Hiato hian Chief Guest niin a hawnsak bawk a ni.

Attachment

  • Loading attachment...