MLA  General Election,2018  hmachhawn mek atana  lo inbuatsaihna  kal mekah vawiin khan  Aizawl District Bawrhsap  Dr A Mutthamma IAS District Election Officer ni bawk chuan  DC Office Complex,Aizawl ah Model Polling Station a hawng.

India ram hi inthlang ram kan ni a, heng inthlanna ah hian  kalphung bika a awm in hmanrua bik te a awm a,chu chu  vote thlak tu tur ten kan hriatchian a pawimawh  avanga  he Model Polling Station hi hawn a nih thu  Pi Mutthamma chuan sawiin  mi tupawh vote nei,vote thlak   dan tur hrechiang duh te chuan helai hmun hi  pan in EVM te hmet a, vote thlak chhin theih anih thu  leh   vote nei thar  leh  chinchang hre chiang lo te tan pawha  lo kaihruaitu an awm reng tur thu a sawi.

India khua leh tui,vote thlak thei tawh chin chuan vote thlak hi kan mawhphurhna ani tih  hrereng tur a chahin District Bawrhsap  chuan “Vote ka nei a, Vote thlak turin ka inpeih’ tic hung zela  inthlanna thianghlim leh fel nei a tan la turin  a  chah nghal ani.

Model Polling Station  hawn anih hnu hian  DC Office  staff te leh  a bul hnaia awm te chuan EVM hmanga  a dan angthlapa enchhinna  neih nghal a ni in EVM  leh  VVPAT chungchang  vawiin programme  ah hian  sawifiah nghal a ni.