No.754/2021-2022

Siaha; 31st May, 2021: Vawiin chawhma dar 7:00 AM atang khan  Dr.K.Beichhua,Minister of State i/c SWD,AH & Vety etc. chuan Noaotlah,Lobo leh Chhaolô khuaa VLTF duty te tlawhin, an huamchin theuhva Covid-19 lockdown avanga chhungkaw harsatna tawkte  chhawmdawlna tur sumfai Rs.10,000/- theuh a  MLA Fund atangin a hlan hlawm. Sumfai bakah hian Minister hian VLTF pariat (8) te hnenah hian :

1)Mask--1 bundle

2)Apefen (Damdawi)---1 box

3)Hand Sanitizer---12 bottles(2 big+10 Small)

4)Face Shield---1 bundle

5)Vitamins----25 bottle

6)Buhfai---1 quintal theuh a hlan hlawm bawk a ni.

Minister hian  Noaotlah-Chakhei (43KM) Road resurfacing hnathawh mek enfiahin, Contractor hnenah  tha taka  hna thawk a, a hun taka zo hman turin a hrilh bawk. Noaotlah leh Lobo khawtlang hruaitute  hnenah pawh atulna pianga Contractor te lo puiabawm tura hrilhin, hnathawh lo vil a, a that lo chuan thuneitute hnena thlen vat turin a chah hlawm a ni.

Minister hian Chhaolo PHC tlawhin, damdawi, Mask,Face Shield leh Hand Sanitizer thahnem tak a pe hlawm a ni.

 Siaha-Lobo-Tluangram-Haka Road upgrade na tur pawh Miniater hian a hmunah kalchilhin a enfiah a, Noaotlah khaw tana gravitational force hmanga tuilakna tur MLA-Fund atanga Rs.5,00,000/- senga siam   tuikhuah pawh ahmunah a enfiah nghal bawk a ni.