Minister of State for Food Processing Industries Pu Rameswar Teli chuan nimin tlai khan Chief Minister Pu Zoramthanga chu a chenna ah hmu in, Mizorama food processing industry changtlung zawk siam tura hmalak dan tur te an sawiho.

Pu Rameswar Teli hi vawiin Aijal Club a North East ST/SC Entrepreneurs Conclave buatsaih ah khuallian niin a rawn hmanpui a. Hemi chungchang hi Chief Minister nen sawi dunin, India hmarchhak a thalaite tan entrepreneurship lama hlawhtling tura theihna tam tak a awm thu leh, kawng hawnsak chu sawrkarin a engemawchen a ngaihtuahpui a tul thu te sawi a ni bawk.

Food Processing Industries Minister hian vawiin hian Khamrang Food Park chu a tlawh dawn a ni.