3909/2023-2024

Lawngtlai dated 21st February 2024: Vawiin chawhma khan DC Conference Hall, Lawngtlaiah Pu Cheemala Siva Gopal Reddy, IAS, Deputy Commissioner kaihhruaina hnuai ah Lawngtlai district chhung a Sawrkar pisa hrang hrang a hotute nen thutkhawmna an nei a. Member of Parliament inthlanna neih tur chungchang a inbuatsaihna kalpui dan tur sawi ho a ni.

Pu Cheemala Siva Gopal Reddy, IAS, Deputy Commissioner chuan Lawngtlai district-a MP Election felfai leh tluang tak a kalpui a nih theih nan sawrkar department hrang hrang a thawktute nen thawhhona tha neih a pawimawh thu sawiin chanvo rualkhai tak a sem zai a nih theih nan thawktu hming la theh lut lo Department-te chu rang tak a bawhzui turin a chah a. Election chhung a mawhphurna pekte chuan chhuanlam siam a awl bik tum lo turin a chah a, hrisel lohna nei, District Medical Board-in a pawmpui te chauh awl tir an nih tur thu a sawi.

Thutkhawmnaah hian Lawngtlai district-a MLA Election 2023 kalpui dan thlirletna hun neih niin harsatna hrang hrang awm te leh a chinfel dan tur te sawi ho a ni a. Election Official-te duty-na hmun a tui, inthiarna leh kawlphetha tha tak a thlunzawm a nih theih nana hmalak dan tur sawi a ni bawk.