134/2024-2025 

Mamit 10th April, 2024 : Vawiin khan MP Lok Sabha General Election -2024 a Mamit District chhung polling station hrang hranga hman tur EVM commissioning chu DC Conference Hall, Mamit-ah neih a ni a. Pu Zoremthara Ralte, Dy. District Election Officer/ Addl. DC, Pu Lalsanglura, Election officer, Election officials-te bakah political party aiawhte an tel a ni.

Polling Station theuha hman tur Electronic Voting Machine (EVM) Control Unit (CU) leh Balloting Unit (BU) te chu EVM Commissioning-ah hian inthlan nia hman theih tawh turin buatsaih fel an ni a. Khawl that leh that lohte enfiah nghal niin, EVM khawl buatsaihna neihpui tur hian Bharat Electronics Limited (BEL) leh Electronics Corporation of India Limited (ECIL) ataning engineer-te an tel bawk a ni.

Mamit District chhung Constituency pathum 1-Hachhek (ST) A/C, 2- Dampa (ST) AC leh 3- Mamit (ST) a hman tur EVM Commissioning hi tunkar chhung 13th April, 2024 thleng hian neih chhunzawm tura ruahman a ni.