133/2024-2025 

Dated Serchhip, the 10th April, 2024: Tukin dar 9:00 khan Serchhip District Bawrhsap Pu David Lalthantluanga, IAS, District Election Officer ni bawk kaihhruaina hnuaiah Serchhip DC Office a EVM dahna Strong Room chu hawn a ni.

Political Party hrang hrang aiawh te, chanchinbumite leh election official te he hunah hian an tel a. Senior Micro Observer Pu Robert Zosangliana pawh a tel a ni.

EVM dahna Strong Room hawn a nih hian MJA aiawhte leh political party aiawh kal khawmte chu an duh ang taka EVM te enchiang tur leh zawhna an neih te zawtfiah tura hriattir an ni a, an ni hian engmah sawisel leh sawi buai tur an neih loh thu an sawi a ni.

Serchhip Strong Room-ah hian ECIL siam EVM te dah a ni a. Lok Sabha Inthlanpui April 19-a hman tur niin vawiin vek hian ECIL Engineer ten EVM a data awm te nuaireh, symbol bel leh tul dang te an khawih chhunzawm dawn a ni.