Member of Parliament (Lok Sabha) Inthlanpui 2019-a Lawngtlai District-a Electronic Voting Machine (EVM) leh Voter Verifiable Paper Audit Trail (VVPAT) hman turte chu vawiin khan a dahna hmun Govt Lawngtlai College-ah hman theih tura buatsaih (commission) a ni.

He hunah hian Lawngtlai District chhunga polling station 165-a EVM (control unit + ballot unit) leh VVPAT hman tura dah tawh sa chu engineer-te'n hman theih turin an buatsaih a. A khawl lam buatsaih fel vek a nih hnuah candidate-te hming chhut luh niin, a kal dik leh dik loh enfiah leh vek phawt a ni a. Vote thlak nana hman theih mai tura peih felfai a nih hnuah khawih danglam theih tawh loh tura seal hmanga uluk taka char niin, dah that nghal zel a ni.

EVM commission-naah hian District Election Officer Pi Shashanka Ala, IAS leh Election Officer Pu Lalremruata Sailo MCS bakah, political party ai awhte pawh an tel a. EVM-te hi a dik ngei a ni tih finfiah nan vote thlak chhin zel a ni.