Member of Parliament rual Mizoram rawn tlawh turte lo hmuah leh an hmuh duh Department hrang hrangte hmalakna entir dan tur sawihona leh inbuatsaihna vawiin khan Aijal Club ah Pu V. Lalremthanga, Secretary Govt. of Mizoram hovin Department hrang hrang hotuten an nei.

MP rual te hi, Aizawl-ah ni 8.11.2017 ah lo thlengin, Airport-ah R.D Secretary leh Aizawl D.C ten an lo hmuak ang a, a tuk ni 9.11.2017 ah Aizawl to Hmuifang an kal ang. An kal kawngah Central Scheme hmanga Mizoram Sorkar hmalakna hrang hrang, Melriat, Tachhip, Sateek, Aibawk leh Hmuifang-te tlawhpui turin an rel a ni.