56/2023-2024

Aizawl the 8th April, 2023 : April ni 6, 2023-a Parliament Budget Session tiamchin awm lo a tihtawp (Adjourned sine die) hnuah Pu C. Lalrosanga, MP( LS) chuan Union Minister of State for Home Pu Nityanand Rai chu a pisaah hmuin, Mizoram chhim lama India leh Bangladesh inrina hrul kawng siamṭhat a ṭulzia thute a sawipui a. Tun hmaa Border Roads Organisation hnuaia kawng lo sial tawhte leh a hnua Central PWD-in a enkawl zuite pawh enkawl zui mumal a awm tawh lo a, a chhe tawh hle a ni tih a hrilh. Home Ministry Border Management in ramri kawng 88.58 km-a thui siamṭhatna hma a lak tur chungchangah Pu Rosanga chuan ṭha tawka siamṭhat leh enkawl zui a ṭul thu a sawi bawk.

Union Minister Pu Nityanand Rai chuan fur tui tlak tak tak hmaa ramri kawngte hi siamṭhat a pawimawh thu a lo sawi a ni.

Pu C Lalrosanga chuan Myanmar leh Bangladesh aṭanga Mizorama sahimna zawnga zo hnahthlak rawn tlanlutte dawnsawn leh enkawl chungchangah mihring dikna leh chanvo humhalh zawnga ramri vengtu sipaite an awm zui zel a pawimawh thu Pu Nityanand Rai a hnenah chuan a sawi bawk a ni.