No.7806/2020-2021

16th March, 2021 : MP(LS) Pu C. Lalrosanga chuan vawiin chawhma khan Parliament House-ah  External Affairs Minister Pu S. Jaishankar hmuin India leh Myanmar-a Zofate himna leh enkawlna hma la turin a ngen a. Myanmar-a buaina chhuak mek avanga Mizorama raltlante leh Myanmar-a Zo hnahthlak awmte himna ngaihtuah sak a pawimawhzia hriaa hma la turin a ngen a ni. Pu Rosanga chuan Myanmar atanga raltlante kum 25 dawn lai United Nations thlazar hnuaia India-a an awm theih avanga lawmthu External Affairs Minister chu hrilhin, India-a cheng Chin unaute an awm thei chu an tan a hlu hle a ni a ti a.

External Affairs Minister Pu S.Jaishankar chuan Myanmar-a buaina chhuak mek leh a nghawngte MP-in a ngaihmawhna chu tawmpuiin thiam taka hma lak a tul a ni a ti a, theihtawp lo chhuah Pu Rosanga chu a tiam a ni. 

Hemi hma hian Pu C. Lalrosanga chu Parliament Central Hall-a khawvel huap Inter Parliamentary Union President Pu Duarte Pacheko lawmna inkhawmah a tel a. Prime Minister Pu Narendra Modi leh Lok Sabha Speaker Pu Om Birla hova inkhawmna buatsaihah hian IPU President chuan demoracy tundin leh chawisan kawnga India hmahruaina a ropui a tih thu a sawi a ni.