No.7807/2020-2021

Dated Aizawl, the 16th March, 2021: Commerce & Industries Department Minister Dr. R.Lalthangliana chu Micro Small & Medium Enterprises (MSME)  Town Hall Meeting, Dawrpui Multipurpose Centre, Aizawl-ah khuallian a ni. Meeting hi Reserve Bank of India, Aizawl Branch leh Young Indians- Mizoram Chapter te tangkawp buatsaih a ni.

Minister chuan he hunah hian thu sawiin entrepreneurs te tan sum leh pai enkawl dan leh MSME hnuaia platform hrang hrangte inhrilhhriatna buatsaih a ni hi lawmawm a ti a, Sawrkar hna hian mi zawng zawng a daihloh avangin mahni kut kawia din tum chu thalaite tan thil tih makmawh a ni tawh a, hemi kawngah hian thalaite penchhuak zel turin a fuih bawk a. Entrepreneurs tana banking facilities awm inhrilh te, bank la thlun zawmlo an awm a, formal banking system hmanga inthlun zawmna siam hi financial inclusion neih nana hmanrua pawimawh tak a ni, a ti a. MSME in a tum ber chu sumdawnna lai hawl leh te zawk te hnenah dahkham leh intiamkamsaktu tel lova sum leh paia tanpuina tura hmalakna hi a ni, tiin a sawi.

Meeting-ah hian entrepreneurs te tana hriattur thenkhat- kalphung tha zawk, hmalakna siampui, kalphung thlak danglam ngai thlak leh ba (credit) awm ze nei lova neih that loh zia leh term loan thenkhat te sawi ho leh zirho a ni.