Vawiin chawhma dar 11:00 a.m. khan MPSC Chairman PU K.Riachho hovin Saiha District-a Head of office te, Tlawmngai pawl hrang hrang aiawhte, zirlai pawl aiawh te leh Chanchinthar thehdarhtute’n meeting an nei. He meeting hi Saiha District Bawrhsap Pu Alok Swarup IAS, chuan a kaihhruai a, meeting-ah hian Saiha-a MPSC Exam Centre a hman thin Government Higher Secondary School, Saiha chu hman chhunzawm zel tur  nge, hmundangah Exam centre hi sawn zawk tur tih te zau taka sawiho a ni.

Meeting chuan Exam centre atan hian GHSS, Saiha chu hman chhunzawm zel ni se. Exam laia pawn lama naupang inkhel leh infiam thawm riva awm thin tireh nan MPSC in exam a conduct hun chhung ni 2-3 chhung chu thawm riva control turin DC office lamin mawhphurna la se, a tul chuan Exam Centre bulhnaia awm school te chu Holiday pawh pek mai ni se tih te rel a ni. a. Hei bakah hian meeting chuan District Bawrhsap chu Observer a nih angin, Exam Centre-a bench leh dawhkan tha tawklo te pawh lo enpui a, a tul anga hma lo laturinan ngen bawk.

He meeting-ah hian MPSC Chairman Pu K.Riachho chuan thu sawiin, nikum lama OMR sheet in daih lohna te kha invigilator-te fimkhur tawk lo vang a ni a, khatiang thil kha thlen nawn tir leh tawh loturininvigilator-te an fimkhur  hle a ngai a ni, a ti.  Pu K.Riachho chuan chhim lam zirlai te hian hmar lam zirlai te hi thluak-ah chuan an tluk viau laiin, thawhrimna-ah erawh an phah lo hle a; a hriat thu a sawi lang a. Tlawmngai pawl aiawhte leh zirlaipawl aiawh lo kal khawm te chu MPSC hnuaia competitive Exam hrang hrangte hmachhawn ngam tur leh hlawhtling ngei tura zirlaite chu thawkrim tura fuih reng turin a sawm hlawm.

Pu Riachho chuan chanchinthar thehdarhtute pawh hnaruak awm ang ang te mipui hrilhhre zung zung tur leh zirlaite fuihna kawngah tun aia nasa a tan la leh zual turin a ngen hlawm a. Kumin 2014 June-July bawr vel hian  Combined Competitive Examination atan Prelims Exam chu MPSC hian a conduct leh mai theih thu a sawi lang bawk.

Attachment

  • Loading attachment...