Nimin atang khan Sipai hrang hrang lakna runpui chu Rajiv Gandhi Stadium, Mualpui-ah neih tan a ni. Nimin khan Soldier General Duty tur bik lakna neih a ni a, hetah hian mi 2500 vel an in tlar a, heng zingah mi 316 te chuan 1.6 km tlan chu paltlanga, Physical Efficiency Test, hriselna leh document endik te an hmabak a ni.

Nimina Sipai Lak Runpui hi Parliamentary Secretary Pu Hmingdailova Khiangte, Mizoram Youth Commission Chairman leh MLA ni bawk Pu T Sangkunga; Dr. Ngurdingliana, MLA ten tlan tur te vailiamin he programme hi an hmanpui a ni. Shillong-a Deputy Director General (Recruiting) Brig. R.V. Singh leh a hoten he sipai lak runpui hi rawn buaipuiin a hmunah an awmchilh a ni.

Vawiin leh natuk hian Sipai dang Soldier(Technical), Soldier(Nursing Assistant) leh Soldier(Clerk/Storekeeper) te tan lak an ni dawn.