Mizoram sorkar thara Planning & Programme Implementation Department Minister Pu Lalsawta chuan vawiin khan Planning & Programme Implementation, Economics & Statistics leh Science & Technology Department-a officer te a pisaah inhmelhriat nan meeting a neihpui.

Pu Lalsawta chuan a la enkawl ngailoh department pawimawh tak Planning a chan turah hian he department hnuaia thawktu te ber atanga lian ber thlengin kawng engkima tawiawm turin a sawm a. Amah chu finchhuah thin tur leh thurawn pe thin turin a sawm a ni. Khawvel hmasawnna thang mekah hian thil thar zir tur leh hriat tur tam tak a awm a, computer thiamna lamah pawh zirtur tam tak awmin, man pha ve zel tan lo chuan harsatna hrang hrang a thleng thei a. Chuvangin, nitin office hna thawhnaah te a bikin plan leh budget buatsaihnaah phei chuan internet leh computer hmang tangkai thiam turin a chah hlawm a ni. Heng department pathumte hnathawh hi mirethei zawkte tapchhak thleng phak a ni tih hria a, taima leh zual zawka hna thawk tura sawmin tihdan hlui leh kalphung pangngai piahlamah ngaihtuahna thar leh chang tlung zawk hmang thiam turin a chah bawk a ni.

Vawiin thutkhawmah hian Planning Principal Adviser leh Additional Secretary Pu Ngunlala Chinzah chuan a thawhpui officer-te a hmelhriattir a, Planning Department hnathawh tlangpui, plan leh budget an siam dan leh sorkar sum sem zai dan hrang hrangte Minister hi a hrilhfiah a ni.