Vawiin chawhma dar 11:00 khan RUSA Hall, Lunglei Government College-ah Career and Counselling Cell buatsaih ‘Seminar on Career Opportunities in Civil Services’ neih a ni a. Pu PC Lawmkunga, IAS (Rtd), Chairman, Mizoram Public Service Commission (MPSC) chuan Resource Person niin he seminar hi a hmanpui a ni. 

Pu PC Lawmkunga, IAS (Rtd) chuan Civil Service exam (Central leh State) hmachhawn tura inbuatsaih dan kawng hrang hrang zirlaite sawipuiin, Civil Service luh duh takzetna thinlung pu chunga thawkrim taka an inpuahchah a tul a ni, a ti. He Seminar-ah hian zirlaiten Civil Service exam inbuatsaih chungchanga zawhna hrang hrang an neih te MPSC Chairman chu an zawt bawk a ni. 

‘Seminar on Career Opportunities in Civil Services’ hi Pu C. Zairemthanga, Associate Professor Lunglei Government College in a kaihruai a, Pi Lalhmangaihi Hrahsel, Principal, Lunglei Government College – in kalkhawmte lawmna thu a sawi a. Pu L.H Rothanga, Vice Principal, Lunglei Government College – in lawmthu sawiin huntawp a khar a ni.