1895/2023-2024

Vawiin khan Mizoram State Cooperative Union (MSCU) chuan an PresidentPu K. Lalchamreia kaihhruaiin Board of Directors' Meeting, MSCU Board Meeting Room, Dawrpuiah an nei a. Meeting-ah hian Federation hrang hranga hruaitute an kal kim hle a ni.

MSCU Board of Directors Meeting hian kum 5 chhung atana Mizorama Cooperative Movement chak zawk leh hlawhtling zawka a kal theih dan tur tam tak an rel zingah Ministry of Cooperation, Govt. of India-in India ram state hrang hrangte chawikanna atana PACS tam zawk din tura hma a lak mek angin, Mizoram state chhungah pawh PACS hi khaw tam zawka din a, hemi hmanga Mizo mipuite dinhmun chawikan dan tur chungchangte an rel. Kumin Apri - Sept 2023 chhunga District hrang hranga Management Training an kalpui mek thlir letna leh kalpui leh zel dan tur chungchangte an rel bawk.

Mizorama State Level Cooperative Society hrang hranga hruaitute, Board of Directors te pual bik liau liauin ni 21-22 September, 2023 hian Leadership Training neih tum a ni bawk.