3855/2024-2025

Dated Aizawl: the 17 January 2025 : Vawiin khan Mizoram State Commission for Women(MSCW) bultumin, Lalțanpuia Hall, Sialsuk ah Legal Awareness Programme on Laws Related to Women & Health and Nutrition chu MSCW Chairperson Pi C. Laldinpuii hovin buatsaih a ni.

Hun hman hi Pu Lalruatmawia Ralte, CDPO, Aibawk chuan a kaihruai a. Pi Laldinpuii, Chairman MSCW chuan kalkhawmte hnenah dan hnuaia Hmeichhia te hamthatna hrang hrang chungchang sawiin, Pu Lalnunsiama, Member, Legal Cell, MSCW chuan dan thar hnuai a hmeichhia te hamthatna leh humhimna bakah The Mizo Marriage, Divorce and Inheritance of Property Act, 2014 chungchang a sawi a. Pi Zonunpari Sailo, Member Secretary, MSCW pawhin Hmeichhiate tana hriselna leh ei leh in țha pawimawhna tih thupui hmangin thu a sawi bawk a ni.

He hunah hian NGO hrang hrang-MHIP, MUP &YMA, Village Council aiawh leh Higher Secondary School naupangte bakah khawtlang mipuite an tel kim hle a ni.