4668/2024-2025
Aizawl, the 17th March 2025 : MSPMC chuan an hmalakna tur sawrkarin a tuk sak leh a din chhante a hnuaia tarlan ang hian mipuiten an lo hmelhriat zawk na turin thuchhuah a siam.
Mizoram State Project Monitoring Committee hian member atan mimai thiamna leh tawn hriat nei tha tak te a nei a, chung mite chu mimai leh Politicai Party leh NGO te aiawh mi engemaw zat hming hmerhin sawrkarin a dah te an ni a. Mizoram State Project Monitoring Committee (MSPMC) hian kalphung mumal tak a nei a, hmalakna tur pawh Member te chuan an ruahman ho thin a. Tin, project zir chian duh a neih te pawh a hmuna en tur a neih chu team siamin a tlawh thin a. Project tlawh tur te tarlangin Visit programme' te siamin project khawihtu leh Department enkawltute a hma atangin mumal takin ziakin a hriattir lawk thin. He team ami bak hi NGO emaw, pawl ho emaw, mimai emaw ten an duh lai apiang lo va chuk tura kal hi MSPMC kalphung a ni lo va, a ti ngai lo bawk.
Tun hnaiah Mizoram State Project Monitoring Committee-in a tirh ni si lo, MSPMC hming chhala project 'endik' a insawiin, contractor te chenna in a kala vau pah deuhin a enkawltu Department te hnena thil ngiat neia kal an awm tih hriat a ni a. MSPMC chuan hei hi a duh lovin pawi a ti hle a. Chuvangin, hetianga Mizoram State Project Monitoring Committee hming chhala dik lo tak a lo che te hi project enkawltu Department te leh contractor tepawhin lo dawng sawng lo turin MSPMC chuan a chah a, hetiang thil hi thleng tawh lo se a duh takzet a ni.
