Vawiin khan Mizoram State Sports Council Executive Committee chu an President, Sports Minister ni bawk Pu Zodintluanga hovin a pisaah an thukhawm.

Pu Zodintluanga chuan Council-a thawktute leh Association- te inpekna fakin an thawhrimna avangin Mizoramin infiamna kawng hrang hrangah chak takin hma a sawn mek zel a ni, a ti.

Meeting-ah hian Sports Medical Officer post hming thlak chungchang ngaihtuah a ni a. Executive meeting hmasa zawka rel tawh bawhzuiin sawrkarin he post a lo siam tawh sa angin Sports Medical Officer post hming chu Sports Medicine Doctor tia thlak an remti. MSSC Act 2002 leh Rules 2005 chungchang pawh meeting-ah hian sawiho a ni a. Kum 2002 leh 2005 a dan siam tawh chu khawih danglam leh siam that a la ni ngai lova. Hun inher danglam zelah Act leh Rules hman lai chu ennawn tul nia hriain Meeting-ah hian put luh a ni a. He dan zirchiang tur hian Secretary Chairman-na hnuaiah sub-committee din niin Executive Committee neih leh hunah pharh nise tiin an rel.

MSSC Executive Committee ah hian Sports & Youth Services Secretary Pu Zothankhuma leh member dangte an tel.