Vawiin chawhnu khan Chief Minister Pu Lal Thanhawla chu Mizo Students Union( MSU) te chuan Bairabi buaina chungchangah Chief Minister's Conference Room ah an kawm.

Chief Minister Pu Lal Thanhawla chuan Bairabi buaina chu chinfel a nih theihnan chak taka hmalak mek a ni tih MSU hruaitute chu a lo hrilh a. MSU hruaituten darkar 24 chhunga Assam Police te insaseng tura Mizoram Chief Minister in hma la se an tih chu Chief Minister Pu Lal Thanhawla chuan inhriathiamtawnna a insaseng ve ve phawt a pawimawh tiin a chhang a. MSU hruaitute nen an inkawm lai hian Assam Chief Minister Pu Sarbananda Sonawal chuan Telephone a rawn bia in ramri chungchanga buaina awm chu pawi a tih thu leh insaseng ve ve phawt chu thil tihtur hmasa nia a hriat thu a rawn sawi a ni. Chief Minister leh MSU inkawmnaah hian Chief Minister Pu Lal Thanhawla chuan Chief Secretary Pu Arvind Ray chu hmalak tawh chin a zawt a. Chief Secretary chuan Assam Chief Secretary in inbiakna nei tura a rawn biak tawh thu leh Mizoram pawn an pawm tawh thu leh hun remchang hmasa bera inbiakna neih a nih tur thu a sawi a ni.