No.2556/2021-2022
Aizawl; the 11th October,2021- Lunglei Deputy Commissioner, Pu Kulothungan A, IAS hmalakna in CSR kaltlangin zirlai BPL leh AAY chhungkua Smartphone nei lo te hman tur Intel A26 Smartphone sawmli leh paruk (46) chu MSU, Regional Hqrs, Lunglei kaltlangin sem a ni.

He hmalakna atan hian Pu Rajiv Bora, Project Manager, Engineering Project India Limited (EPIL) chuan cheng nuai thum (Rs. 3,00,000/-)CSR kaltlangin a rawn pe a ni.

Semchhuahna inkhawm vawiin chawhnu Lunglei DC chamber-a neihah DC Pu Kulothungan A chuan Covid-19 hrileng avangin hun rei tak zirlai ten class an kal thei lova, online class kal a ngaih tak avangin Lunglei District chhunga zirlai harsa ten online class Smartphone hmanga an kal theih dawn avangin lawmawm ati a, zirlai ten tangkai taka hmanga, result tha tak nei theuh turin a chah a ni.