No.3022/2021-2022

Aizawl 17th Nov 2021 : Vawiin khan Mualcheng South ram Thlisam zaua loneitute chuan Buhseng Runpui neiin Bamboo Development Board Vice Chairman leh Lunglei South bialtu MLA ni bawk Dr.K.Pachhungan khuallian niin a hmanpui.

Thlisam zaua buhseng runpui neih ah hian khuallian bakah HPC Vice Chairman Pu Lawmawm Tochhawng leh khawtlang mipui ten buh an seng a, hemi pual hian inkhawm neih niin khuallian Dr. K. Pachhunga Lunglei South bialtu MLA chuan hri leng karah harsa taka thlawhhma siama a rah seng theih a ni ta chu Mualcheng South khuate a lawmpui thu sawiin buh leh bala intodelh a pawimawh zia hriaa taima leh chhel taka hna an thawk chu ropui a tih thu sawiin a bial chhunga buh ngah ber hnenah Scooter pek a nih tur thu a sawi a ni. Thlisam ram chu Mualcheng South khua miin an hriatna tur hmun pawimawh, thlai thar tamna hmun a nih zel theih nan tan la turin kal khawmte a fuih bawk a ni.

High Powered Committee Vice Chairman Pu Lawmawma Tochhawng pawhin Pathian hnathawh rah kan seng a ni tih inhriat a pawimawh thu leh hlawhtlinna atana pawimawh em em buh leh thlai in a ngeih ber chu a neitu thlan tui luang a ni a, taihmakna nen hma la zui zel turin lo neitute a fuih a, Lunglei DAO Pu C. Malsawmkima pawhin fuihna thu sawiin loneitute hman tur Sprayer leh Chana chi a pe bawk a ni.

Mualcheng South ram Thlisam zau ah hian chhungkaw 49 in lo an nei a, kawt 600 chuang thar thei turah an inbeisei a ni.