2769/2023-2024
Aizawl, 09.11.2023: Muallungthu Polling Station a inthlan that leh turah Aizawl DC Pi Nazuk Kumar chuan a hnuai ami ang hian khuahkhirhna thupek a chhuah:
Mizoram Legislative Assembly Inthlanpui 2023-ah Muallungthu Polling Station-ah ni 10.11.2023-ah inthlan that leh a ni dawn a. Mipuiten boruak muanawm leh felfai tak hnuaia vote kan thlak theuh theih nan khuahkhirhna thupek chhuah a lo ngai ta a;
Chuvangin kei, Nazuk Kumar, IAS, District Magistrate, Aizawl District hian Section 144, Cr. P.C., 1973 (Act II of 1974) in thuneihna min pek angin a hnuaia thupek hi thupek chhuah a nih atanga ni 10.11.2023 a Vote thlak zawh a nih thlengin Muallungthu Polling Station huamchhung mipuite zawm tur in hetiang hian ka chhuah e;
1. Khawi hmunah mah mi panga (5) aia tam punkhawm emaw inhawrkhawm emaw phal a ni lo.
2. Aurinna (Loudspeaker) hman khap a ni.
He thupek zawm lo te chu IPC Section 188 hmangin an chungah na taka hremna lek a ni ang.
Amaherawhchu, he khuahkhirhna hian Magistrate, Police leh Armed Force, Election Duty te leh medical emergency kaihhnawih thil te a huam lovang.
He thupek hi vawiin 9th November, 2023 hian Court Seal a nemnghetin hming ka ziah hnan e.
