2768/2023-2024
Aizawl, 09.11.2023: Muallungthu P/S a inthlan that leh tur chungchangah Aizawl DEO Pi Nazuk Kumar chuan a hnuai ami ang hian thu a chhuah:
Mizoram Legislative Assembly Inthlanpui 2023-ah Muallungthu Polling Station-ah ni 10.11.2023-ah inthlan that leh a ni dawn a, Muallungthu chhungah inthlanna felfai leh thianghlim a awm theihna turin leh Election Commission of India in inkaihhruaina hrang hrang a siamte zawm a nih theihnan, he hriattirna chhuah atanga ni 10.11.2023-a vote thlak tawp hun thleng hian political party leh candidate te chuan a hnuaia tarlan te hi an zawm tur a ni ang.
1. Political Party leh Candidate te tan Campaign neih phal a ni tawh lo.
2. Constituency pawn atanga campaign tura lo kal, chu constituency a vote nei si lo te chuan constituency an chhuahsan tawh tur a ni. Amaherawhchu hei hian candidate leh election agent te leh party office bearer, state in-charge a ruat te chu a huam ve lovang.
3. Aurinna (loudspeaker) hman phal a ni tawh lova, District Magistrate in khapna thupek Sec. 144 CrPC hmanga a chhuah chu zawm vek tur a ni.
4. Sec. 126A of the Representation of the People Act, 1951 in a sawi angin Electronic Media/Social Media leh a tlukpui dangte ah Election kaihhnawih, mipui rilru sukthlek tidanglam thei thilte tarlan/chhuah phal a ni lo. Tin, hemi chhung hian mipui ngaihdan lakna 'Opinion Poll' siam leh 'exit poll' (vote thlak zote kawmna/zirbingna atanga inthlan result rinlawkna) neih loh tur a ni. Hei hian vote thlak tan hun atanga a zawh hnu darker chanve thleng a huam ang.
5. Inthlan ni (10.11.2023) leh a hma ni (09.11.2023) a print media a political advertisement chhuah tur te chuan MCMC (Media Certification and Monitoring Committee) te phalna an la tur a ni.
6. Sec. 130 of the representation of the People Act, 1951 in a sawi angin inthlan ni ah hian Polling Station atanga metre 100 huamchhung ah vote dilna anga ngaih thei thil reng reng tih phal a ni lo.
