MLA/ MP Fund, Rural Education leh kawng hrang hrang atanga pawt khawma sak Mualthuam N Community Hall, a dung 70ft leh a vang 36ft, Rs 27,35,600 a puitlin chu vawiin khan Social Welfare Minister Pu PC Lalthanliana’n a hawng.

Hawnna inkhawm buatsaih Pu PC Chhawnkima, Mualthuam VCP kaihhruaiah hian Minister chuan Mizoram sorkarin thingtlang leh khawpui chhunga hmasawnna hrang hrang a thawh mek te thawh tura hmachhawp a neih te a tlangpuiin a tarlang a. Mipui vantlang hmakhawthlir a Community Hall an peihfel tak chu a lawmpui thu sawiin neitu rilru pu a uluk taka enkawl zui turin a chah a. Sorkarin hmachhawp hrang hrang a neih thin tawiawm thiam turin khawtlang mipui kal khawm te a fuih a ni.