Vawiin chawhma dar 11:00 ah tanin I&PR Conference Hall ah Village Councils leh Local Councils in thlan lo awm tur chungchang leh a kaihhnawih thil tul hrang hrang ngaihtuah in meeting pawimawh tak neih a ni. He meeting hi Pu C. Ropianga, IAS (Retd.) State Election Commissioner, Mizoram in a kaihruai a ni.
Thu hma sawiin Pu C. Ropianga chuan Democracy ramah inthlan a pawimawhzia leh inthlan chu free & fair anih a tul a ni a ti a. Chutiang taka kan hma inthlan kan neih tur a awm theih nan mi tinte inpekna a ngen bawk.
Pu Lalrokhuma Pachuau IPS, DGP pawhin thusawiin tunhma zawnga an lo in pek tawhna angin kan hma Village Councils leh Local Councils inthlan lo awm tur ah pawh free & fair election a awm theih nan security pawh pek a nih leh tur thu a sawi. Chumi atan chuan theih tawp chhuah an tum thu a tarlang bawk.
Pu K. Lalmuana MCS, Jt. Secretary, LAD pawhin thusawiin Mizo District Council hunlai atanga Village Council leh Village Council Acts hrang hrang history chipchiar takin a tarlang bawk.
Chawhnu session ah hian State Election Commissioner hovin Village Councils leh Local Councils inthlan lo awm tura thil tul chi hrang hrang, sum ruahman dan te nen sawihona neih chhunzawm a ni.
