Vawiin chawhnu khan Pu Lalthanliana, Chairman Mizoram KVI Board chuan cheng Nuai 60 senga sak ‘Multi Disciplinary Training Centre (MDTC) Administrative Building, Zemabawk’ hawnna hun a hmang a, he hun hi Pu.Kaisangzuala CEO in kaihhruaiin Pu.RC Rothuama’n hunserh a hmang a ni.

Khuallian  Pu Lalthanliana chuan Mizoram KVI Board hnuaia MDTC ten Administrative Building tha tak an sa zo thei chu lawmawm a tih thu sawiin Mizoram sawrkar chungah lawmthu a sawi a, MDTC Administrative Building hmuh chu industry lama tui mite tana hmun tangkai leh chhawrnaawm tak ni turin leh mi tam tak tan ngelnghet leh rintlak eizawnna an kalpui theih nan malsawmna thlentu ni turin duhsakna a hlan a ni. Pu Lalthanliana chuan training centre tih phuisui mek a nih laiin Main Office thawm that nana hma lak a tul thu a sawi bawk a ni.

MDTC Administrative Building hi ni 17 january 2019 a sak tan a ni a, 397.54 Sqm a zau niin ni 197 chhung a sak zawh a ni. A sak hna hi Department in an thawk a ni. MDTC hnuaiah hian thalai kut themthiam, khawpui leh thingtlang atangin an training thin a, kum 1992 atanga vawiin thleng hian thalai mi 10000 chuang ten Training passed chhuak tawhin eizawnna ngelnghet an nei tawh a ni.

Attachment

  • Loading attachment...