3577/2024-2025

Aizawl, the 17^th December 2024 : Nimin khan Ministry of Development of North Eastern Region chuan Mumbai a Taj Mahal Palace Hotel ah North East Trade and Investment Roadshow an buatsaih a, Mizoram Sawrkar aiawhte officials te pawh he Investor Summit ah hian telin, Adviser cum Joint Secretary, Planning & Programme Implementation Department Pi Chingthanmawii Guite in a ho a ni.

He Roadshow ah Union Minister for Communications and MDoNER Shri Jyotiraditya M. Scindia; Tripura Chief Minister Professor (Dr.) Manik Saha; Meghalaya Chief Minister Shri Conrad K. Sangma, te bakah Secretary, MDoNER Shri Chanchal Kumar, senior officials dangte leh Hmarchhak state 8 aiawhte Team te an tel a. Mumbai leh a chehvelah a investors mi 100 chuang an tel bawk a ni.

Roadshow ah hian Pi Chingthanmawii Guite chuan Mizoram Sawrkar aiawhin Investment kawng hrang hrang awm te chungchanga presentation a nei a ni.

He Investors Summit peng pakhat Business to Government meeting ah hian Hmarchhak a sum peipunna kawng zawng investors hrang hrang ten State Sawrkar officials te dawrin an company ten sumdawnna kawng awmthei nia an hriatte an sawipui a, investment policy chungchang leh thil dang an hriat duhte an zawt bawk a ni.

Mizoram Team hi Adviser cum Joint Secretary, Planning & Programme Implementation Department Pi Chingthanmawii Guite in hovin Sawrkar official mi dang 3 leh startup sector atangin mi 2 an tel bawk a ni.