State Election Commission thupek angin Municipal Councillors Election atan Municipal Electoral Roll Revision, 2015 neih tur a ni a. He revision atan hian Aizawl Municipal Area-a Municipal Electoral Registration Officers leh Asst. Municipal Electoral Registration Officers-te tan vawiin ni 27.08.2015 khan meeting neih a ni.

Pu Lalhmunsanga Hnamte, Addl. Deputy Commissioner, Aizawl District in a kaihruai a. He meeting ah hian Municipal Electoral Registration Officers leh Asst. Municipal Electoral Registration Officers te mawhphurhna leh anmahni bial chhung a hna an kalpui dan tur te sawiho a ni. Electoral Roll felfai leh dik zawk neih a nih theihna tur a an pawimawhzia te sawi a ni bawk. Aizawl District chhungah hian Municipal Electoral Registration Officers 6 (paruk) leh Asst. Municipal Electoral Registration Officers 6 (paruk) ruat an ni.

He Revision atana Draft Roll chu ni 01.09.2015 a tarchhuah a ni ang a, Form hrang hrang thehluh leh dawn theih hun chhung hi ni 02.09.2015 atanga ni 09.09.2015 thleng ruat a ni. Form hrang hrang lutte chinfel hun atan ni 10.09.2015 atanga ni 18.09.2015 thleng ruat a ni. Final Electoral Roll hi ni 30.09.2015 ah tarchhuah a ni ang.