Vawiin khan NEDP Study Tour, Mizoram Upa Pawl (MUP) tana, I & PR Department in a buatsaih hmangin Aizawl West-II MLA Constituency MUP member zin chhuak turte chu Pi Lalnithangi, Director, I&PR in tawngtai sakin a vailiam.

Thlahna hun tawite I & PR Auditorium a neihah Pu David L.Thangliana, Joint Director, I & PR chuan sorkar-in upa zawk ten kan ram hmasawnna chi hrang hrangte a hmunah hmuse tiin NEDP Scheme hnuaiah programme a siam chu tangkai taka MUP member-ten an hman a duhthu sawiin, MLA bial tin atangin NEDP Scheme hian MUP te hi zirtir an ni dawn tih a sawi.

Tuntum MUP member-te hian Lengpui Airport, Thingdawl Agriculture leh Horticulture Farm leh Kolasib khua te an fang ang a, Circuit House ah riakin, naktuk lamah Tuirial Hydel Project an tlawh anga, Aizawl an rawn hawng ang.

Zin turte hi Nl Christina Lalmuanzuali, IPRO leh staff ten an hruai a ni.