Art & Culture Department buatsaiha February ni 21—24, 2017 chhunga Museum Week hman chu vawiin khan khar a ni. Museum Week khar ni vawiin Mizoram State Museum chu tlawhtu mi 1329 awmin, Museum Week chhung hian Museum tlawhtu zawng zawng chu mi 3789 an tling a ni.

Museum Week hi Aizawl khawpui chhunga MHIP Branch pali leh MUP Unit pali bakah Zirna ln sawm bik - DIET, lASE leh RlPANS zirlaite leh zirtirtuten an hmanpui a ni. Art & Culture Department chuan Chapchar Kut 2017 denchhenin ni 2 & 3 March, 2017 hian AR Lammuala Chapchar Kut hmannaah Museum Exhibition a buatsaih dawn bawk a ni.

Hun bik neia Museum en man awm lova hawn hun tih lovah chuan Museum Entry fee hi Puitling pakhat tan Rs.20 /- leh Naupang pakhat tan Rs.10 /- a ni a. School naupang zirtirtute hruaia Educational trip-a kalte chu 50 % concession pek an ni. Kum upa, kum 65 chin chung lamte chu en man chawi tir an ni ngai lo a. Ram pawn atanga lo kal Foreign Visitor-te en man atan Rs. 50/- lak a ni a. Nikum atang khan Museum-a camera (still leh Video) ken luh man hi siam thar ni bawkin, Mobile Camera & Ordinary Camera ah Rs. 20 ; Digital & Movies Camera ah Rs. 100; Video Camera ah Rs. 250; Documentary Film ah Rs. 1000 /- lak a ni. Museum hi March - September thla inkar chhung zawng chu dar 10:00 AM - 4:30 PM -ah hawn thin a ni a, October - February chhung chu dar 10:00 AM - 4:00 PM- ah hawn a ni thung. Chawlhkar tin thawhtan ni apiang hian chawhma lamah thawktuten Gallery tihfaina hun an hmang thin a, chuvangin Thawhtanni-ah chuan Dar 1:00 PM-ah Museum hi hawn thin a ni a, lnrinni ah chuan dar 10:00 AM - 2:00 PM chhung Museum hi hawn thin a ni. Sunday leh Sawrkar Holiday-ah te chuan Museum hi khar a ni.