Ministry of External Affairs leh Observer Research Foundation (ORF), New Delhi buatsaihna hnuaia thenawm ram Myanmar palai rual Mizoram-a cham mek te chuan vawiin chawhma dar 11:00 am khan Mizoram University an tlawh. Mizoram University ah hian zirtirtute leh zirlaite nen inkawmhona hun an hmang a, inkawmhona thupui chu “Public Interaction: The Role of Border States in Indo –Myanmar Relations” a ni. 

Inkawmhona hun hi Prof. R. Lalthantluanga, Vice Chancellor, MZU in a kaihruai a, Myanmar palai te an hun tawt tak kara MZU an tlawh thei chu lawmawm a tih thu a sawi a. Vice Chancellor chuan MZU din tan kum 2001 atanga chanchin tlangpui a sawi a, tun dinhmunah MZU ah Academic Department 33 awmin, National Assessment and Accreditation Council (NAAC) hnuaia grade tha ber A Grade kum 2014 a hmuh a nih thu Myanmar palai te chu a hrilh. Vice Chancellor chuan India ram pawn atanga MZU a rawn zir duh te pawh kan lawm vek ani a ti a, Myanmar a University leh Research Institutes te nen pawh kawng hrang hrang a thawk ho turin MZU chu a inhawn thu a sawi bawk. 

Inkawmhona hun ah hian Prof Srinibas Pathi, Professor of Public Administration, MZU in thuhmahruai a sawi a, Mizoram leh Myanmar chu ram inthenawm an nih bakah nunphung leh hnam zia a in an em avangin inlaichinna tha tak kan neih a tul ani a ti. Sawrkar laipui pawhin Myanmar a ngai pawimawh a, Act East Policy hnuaiah Myanmar ram nen kan indawr tawnna leh sumdawnna tun aia a tam zawk theihna atan hmalak hrang hrang -  India-Myanmar Friendship Road, Kaladan Multi-Modal Transit Transport Project, Sittwe port leh Sagar Samidhi Project  a tarlang bawk. 

Myanmar palai te aiawh in Pu Oo Hla Saw, MP, Arakan National Party in thu sawiin, Ministry of External Affairs leh Observer Research Foundation (ORF), New Delhi te hmalakna avanga Mizoram an rawn zin thei chu lawmawm a tih thu a sawi a. Pu Oo Hla Saw chuan India chu ram ropui leh entawntlak tak a ni a, mipui rorelna ram (democracy) leh mipui thlan sawrkar kum tam tak hlawhtling taka kalchhoh pui ani chu a ngaihsan awm a ti. MP chuan India ram sawrkar inrelbawl dan te, state sawrkar leh sawrkar laipui tha taka an thawhho dan te chungchangah Myanmar sawrkar thar chuan thil tam tak inzirtur kan nei ani ati. 

Inkawmhona hun hi MZU zirlai leh zirtirtute thahnem tak bakah Myanmar palaite leh anmahni tawiawmtute a hnuaia tarlan te hi an tel ani:

1. Oo Hla Saw, MP, Arakan National Party

2. Lama Naw Awng, MP, Kachin State Democracy Party 

3. Nyi Sein, MP, Ta’ang (Palaung) Nationalist Party

4. Sai Naunt, MP, Shan Nationalities Democratic Party

5. Nai Thiha, MP, Mon Nationalist Party

6. Saw Daniel, Party Chairman, Kayah Unity Democracy Party (KUDP)

7. Mahn Aung Pyi Soe, Phalon-Sawa Democratic Party

8. Ceu Bik Thawng, Chin National Democratic Party

9. Duh Hu Thang, Chin National Democratic Party

10. Dr. Joyeeta Bhattacharjee, Fellow ORF

11. Dr. K.Yhome, Fellow ORF

12. Penchala Raju (Interpreter)

13. Kaung Phyo Wint, Second Secretary, Myanmar Embassy 

He huna tel te hian thu hrang hrang an sawiho a, thawhhona tha zawk atana hmalak dan tur, indawr tawnna chungchang, Kaladan project, Act East Policy, hmasawnna ruhrel chungchang te an sawiho.