February ni 6, 2017-a Mizoram Sawrkar hnuaia Secretary-te thukhawm chuan office dawrtu tur mipuite tan a awlsam leh remchan zawk theih nan Senior Officer-ten interview hun bithliah se tiin an rel. Hemi atan hian Thawhtanni (Monday) atanga Ningani (Thurday) chhun dar 12 atanga tlai dar 1 chu “Interview Hour” a dah ni se, hemi darkar chhung hi chuan Senior Officer-te chuan hna dang leh programme dang insiam lo se, tiin meeting hian a rel chhunzawm a. Interview Hour pawnah chuan Senior Officer-ten an hun neih dan azirin emaw appointment siam lawk dan azirin anmahni dawrtu tumte an hmu ang a. Senior Officer-ten zinchhuah vang emaw loh theihloh thil dang vanga Interview Hour chhunga office an thu hman dawnlo anih chuan an Personal branch theuh ten anmahni hmuh tum te chu an hrilh tur a ni.