2007/2022-2023
Kolasib: Dated the 21st September, 2022: Myanmar sawrkar buaina avangin Myanmar mi eng emaw zat Mizoram chhungah himna zawngin an rawn raltlan a. Kolasib District chhung khaw thenkhatah pawh heng raltlante hi an khawsa mek a ni. Heng mite hi mumal zawk a khuahkhirh an nih theih nan a hnuaia mi ang hian Kolasib Deputy Commissioner, John LT Sanga chuan hriattirna a chhuah.

1. Raltlante hian In/ram an mahni hming emaw midang hming hawhin emaw an lei tur a ni lo.
2. An mahni thu in an duhna hmunah an insawn tur a ni lo. Engemaw avanga khaw danga in sawn duh an awm chuan VC/Village Level Committee on Myanmar Refugee te hnenah an in report tur a ni.
3. Sawrkar hriatpuina lo chuan sumdawnna kalpui phal a ni lo.
4. Myanmar atanga lirthei (Motor) rawn kenglut an awm a nih chuan an awmna VC/Village Level Committee on Myanmar Refugee te hnenah an in report tur a ni.
5. Heng raltlan te hian Adhaar/Voter ID/Driving license adt. dan phal lohin an siam tir tur a ni lo.

Heng a chunga tarlan te hi Myanmar raltlan ten tha takin an zawm tur a ni a. Zawm lo an awm a nih chuan an chungah dan anga hremna lekkawh a ni ang. Raltlan awmna VC/Village Level Committee on Myanmar Refugee-te lo puangzar tur leh an zawm ngei theih nan hma lo la tur a ngen an ni. Zawm lo an awm a nih chuan a hnuaia hming ziak hnenah hian rang taka report tur a ni.