September Ni 27, 2019 zan khan 9th Music Domain Mizoram (MDM) Circle of Music Meet chu Aijal Club-ah hman a ni a Dr. Vanlaltanpuia, Chairman, Mizoram Youth Commission chu khuallian a ni a.

 MYC Chairman Dr Vanlaltanpuia chuan  Mizote talent hi Sorkar atangin policy lian tak ah lak luh a ngai tih sawiin ,”Pathian in thiam thil min pek hi tih pun a, hnaah chan tir a, sum ah chan tir thiam a ngai a. Youth investment program hi kan ram hian kan la kalpui tawk loh avangin tun Ministry chuan hemi kawngah hian nasa taka hmalak a tum a ni,” a ti a ,”Zoram thalaite hian kan thiam thil neih hlu tak te hi sum ah chan tir a, hnaah chan tir a tul tawh tak meuh a ni,” a ti bawk. 

MDM Circle of Music Meet ah hian zaithiam hrang hrang ten kalkhawmte zaiin an awi a, Pu CL Parliana, Adviser, MDM chuan hunserh hmangin, Dr. Zothansanga, President, MDM in kalkhawmte lawmna thu tawi a sawi a, JH Lallungmuana, General Secretary-in lawmthu sawiin programme tih tawp a ni. 

He hunah hian chawimawina hrang hrang sem a ni a, kum tina sem thin MDM AWARD pawh sem nghal niin heng te hi Award dawngtute anni :-

Lifetime Achievement  Award - Pu C.Dinthanga

MDM Artist of the year ( Lengzem/Lenglawng) - Kimkima

MDM Artist of the year ( gospel)- Stacy VL Muanpuii

MDM New Artist of the year (Gospel)- H.Lalremruati

MDM New Artist of the year (Lengzem/Lenglawng)- Ticos Darhmingliana

MDM group / Duo of the year - Feli Fanai & Manuna