HSSLC pass tharte a chhuan takzet thu sawiin Pu Joseph Lalhimpuia chuan khawvel an hmachhawn tak takna tur kailawn an rah tan dawn tak avangin an hma lam hunah taima zawka an zirna chhunzawm zel turin duhsakna a hlan a. MYC au hla - 'thalaite khawvel zauh ang aw', tih slogan tihlawhtlingtu ni a, an zirnaah leh hna an la thawhna turah pawh thiehtawp chhuah turin a fuih. MYC Chairman chuan zirlai tuna hlawhtling zo ve rih ta lote pawh beidawng mai lo turin a chah a, hun tha zawk an tana inher chhuah ngei a beisei thu sawiin nasa zawka tan la turin a fuih a. Mizoram Board of School Education houtute leh thawktu zawng zawngte pawh khawtlai lova HSSLC result a hun taka an tichhuak thei chu fakawm a tih thu a sawi bawk.