2322/2026-2027

Aizawl, 23rd September, 2026 : Mizoram Table Tennis Association (MTTA) buatsaih, Mizoram Table Tennis ranking Championship chu vawiin Mizoram Table Tennis Hall, Kawltheihuan, mission vengah Pu Malsawmzuala Ralte, chairman, Mizoram Youth Commission-in a khuh hawng.

u Mala chuan TT player kalkhawmte chu zuk leh hmuam, zu leh ruihhlo laka fihlim a, ti chhin miah lo tura fuihin, tih chhin chuan ngawlveina a thlen a, nih tur ang ni thei lovin a bawiah an tang a, thih thutna a thlen fo a, chu aia la rapthlak zawk hremhmun kawng zawh tirtu a nih thu a sawi.

Pu R. Lalsangzuala, GS MTTA-in a hnuaia tarlan ang hian report a pe :

Club tel zat - 19
Player tel zat - 94
Total Entry - 186
Category zat - 15

He Championship-ah hian district dang atangin player eng emaw zat an tel a, Category tin a pakhatna atanga pathumna te'n Trophy an dawng vek dawn a ni.

TT championship hawnna inkhawm hi Pu PC Lalrinpuia, Vice President MTTA organising committee chairman ni bawkin a kaihruai a, MTTA OB, Executive committee member thahnem tak an tel a, September 25 thleng a awh ang.