No.6921/2020-2021

Vawiin chawhma dar 9:00 - 11:00 inkar khan Mizo thalaite Delhi lama IAS Coaching kal tur full sponsorship thlanna, written exam ( State Level Screening Exam) Pachhunga University College ah Mizoram Youth Commission chuan a buatsaih a. Application form thehlut mi 282 zinga mi 208 ten exam an nei thei a ni. Heng exam atang hian a ti tha zual 40 te personal interview tur a koh an ni ang a, interview atang hian mi 20 thlan chhuah leh an ni dawn ang. 

He exam hi Dr. Vanlaltanpuia, Chairman, MYC leh Dr Tawnenga Principal PUC MYC member ni bawk te chuan a hmunah kalin an tlawh a ni. Interview hi ni 17 leh ni 18 chhung hian Interview an nei leh ang a, Final Result hi December ni 18 tlai lamah tihchhuah beisei a ni. Heng mi 20 thlan chhuahte hian Delhi a zirna In thaah  MYC bul tumin a thlawnin IAS coaching an kal thei dawn a ni.